我要

肥仔回鄉探親，臨行仲去豐澤買左部MacBook俾個女，我都想要呀．．．

你就好啦．．．率先擁有

放大假！
鐵定8月19放到29，放足9個working days！

肥妹：請幫忙解說圖中日文，唔該你啦．．．

一年一度
以行姑姐芭蕾舞學校一年一度既學生演出將於8月31日上演。今年以行都會上台表演，希望佢唔好臨時縮沙就好。

呢班就係以行姑姐既高足喇！

軍曹決戰水世界！

呢個就係暑期為以行安排既驚喜活動，不過就要留nicholas同姐姐係屋企整整24小時，真係都唔係特別唔擔心架。

星期六同阿仔去買波鞋，買左波鞋涼鞋俾佢，自己都揀左對Nike。到星期一朝早想著返工時候始發現，頂！個sales執左兩隻右腳俾我，@#$#$#!#$^&&*#@#&@(#&*&#~~!!!!!。於是，將之帶返公司，放工熱到死同人逼電車去波鞋舖。稔住點都會鬧下個sales，點之去到我又唔知點解唔係好嬲wor，最尾都無鬧到人，換完就走左，我稔我既EQ好左ｄ掛，由負二億急升到負一億九千幾萬。

Fantasy Football is back!
The new season kicks off on 17 August!
YEAH!!!!

Glock 18 airsoft
At $300, this full auto airsoft is a steal!

多謝肥仔拔刀相助
作為以行學校家教會成員之一，今年繼續義務幫學校製作畢業班紀念冊。雖然學校並唔係要求最專業既製作水平，不過既然做，都要過得自己先得。我又唔識砌書，所以又要勞煩肥仔Emilio抽空幫忙，真係不勝感激！Thank you very much Emilio!!


經過肥仔加工處理，呢張校門照就會係今年紀念冊既封面！

大假28日
經過多次放假最終放到唔湯唔水之下，而家足足剩低28日。你話點放好？

食七咁食

星期六同林氏伉儷到金鐘食自助餐，真係一如標題，食七咁食！生蠔，魚生，羊扒，牛扒，印度咖哩，泰式湯河，水果，甜品，數之不盡，吃之不盡，真係食到頂住個喉嚨！唯獨碧碧可以由頭食到尾，勁！是晚足足食左接近四小時，盡興而歸！下次一於搵埋同事，太后呀，公主呀，pam pam一齊去吃！

　

豬仔，安息喇！
03.03.1993 - 15.06.2008
豬仔以15歲3個月既高齡離開左我地喇．．．
屋企每一個人都好唔捨得，15年3個月既時間真係日子非淺，一世人又有幾多個15年3個月？
6月19日我同媽咪去睇佢火化，帶左佢最愛既芒果同雞肉，送佢最後一程； 6月28日全家一齊將佢既骨灰帶到寶雲道，長埋係佢細個最鍾意去玩既地方。

以後我每次去跑步，都可以再探你。

配合主題開始寫呢個blog前，左猜右想，究竟用來紀錄咩好呢？呢一刻既人生，真係好多野，eventful得不得了：大仔，細仔，工作，讀書，仲有好多好多．．．最缺乏的就是時間。不如就just randomly，做人輕鬆D算啦！